Tashkilotlar uchun ovozli robot
Munshi — oʻzbek tilida gaplashadigan ovozli robot. Mijozlaringizga sizning ssenariyingiz boʻyicha qoʻngʻiroq qiladi va har bir javobni hisobotga yozadi. Nutqni tanish, ovoz va suhbat mantigʻi sizning serveringizda ishlaydi — mijozlar ovozi begona bulutga chiqmaydi.
Robot bilan hozir gaplashing
Brauzerning oʻzida, uch daqiqagacha. Mikrofon kerak, robot oʻzbek tilida gaplashadi.
Gapiring — robot tinglayapti. Gapini boʻlishingiz mumkin. Quloqchinda yaxshiroq eshitiladi.
Tashkilotingiz uchun shunday robot kerakmi? Ariza qoldiring — uni sizning ssenariyingizga moslaymiz.
Suhbat uch daqiqagacha davom etadi. Munshi oʻzi javob beradi, unga hech kim yordam bermaydi.
Robot ishda
Ismlar va obyektlar — namuna uchun. Haqiqiy ssenariy sizning matningiz boʻyicha tuziladi.
Imkoniyatlar
Soʻzlashuv nutqi, sheva, qisqa javoblar. Sifatni diktor yozuvlarida emas, haqiqiy telefon qoʻngʻiroqlarida tekshiramiz. Rus tili tayyorlanmoqda.
Summa, muddat va sanalarni robot sizning jadvalingizdan oladi va tasdiqlangan iboralar bilan aytadi. Raqamlarni oʻzidan toʻqimaydi.
Barcha modellar sizda yoki sizning maʼlumotlar markazingizda ishlaydi. Banklar va davlat idoralari uchun bu eng xavfsiz yoʻl.
Nostandart savol yoki eʼtiroz boʻlsa, robot suhbatni odob bilan yakunlaydi, hisobotga esa «menejer qoʻngʻirogʻi kerak» belgisi tushadi.
Integratsiya
Excel yoki Google-jadval: raqamlar va almashtiriladigan maydonlar. Natijalar oʻsha jadvalga qaytadi.
Oʻz SIP-raqamimiz orqali qoʻngʻiroq qilamiz yoki sizning ATS'ingizga ulanamiz.
Doimiy qoʻngʻiroqlar natijalarini tizimingizga avtomatik uzatamiz.
Qanday ulanadi
Ariza qoldiring — robotni sizning vazifangizda koʻrsatamiz va ssenariyni birga tuzamiz.
Bazangizning bir qismida ishga tushiramiz. Yozuvlar bilan hisobot olasiz va natijani oʻz raqamlaringiz bilan baholaysiz.
Jadval boʻyicha, har bir yetkazilgan xabar boʻyicha hisobot bilan.
Pilot
Vazifangizni yozing — qoʻngʻiroq qilib, ssenariyni birga tuzamiz va bazangizning bir qismida sinab koʻramiz.
Sohalar
Nomi haqida
munshiy — xon va amirlar saroyida xat va hujjatlarni yozgan kotib
Bizning Munshi ham shu ishni qiladi: odamlar bilan gaplashadi va har bir javobni aniq yozib qoʻyadi. Faqat qogʻoz oʻrniga — hisobot jadvali.
Savollar
Modellar haqiqiy telefon suhbatlarida, jumladan Buxoro shevasida oʻqitilgan. Odam gapirayotganda robot jim turadi. Gap tushunilmasa, robot taxmin qilib javob bermaydi — qayta soʻraydi. Murakkab savolni xodimingizga uzatadi.
Narx ssenariy, xabar uzunligi va baza hajmiga bogʻliq. Pilot shartlarini namoyishdan keyin kelishamiz.
Pilot uchun — yoʻq, raqamlar jadvali yetarli. Nutqni oʻzingizda saqlash talabi boʻlsa, kompleksni serveringizga oʻrnatamiz: videokartali bitta kompyuter kerak boʻladi, konfiguratsiyasini beramiz.
Namoyishni ariza kelgach kelishamiz. Pilot ssenariy matni tasdiqlangandan keyin boshlanadi.
Robot tashkilotingiz mijozlariga xabarnoma va eslatmalar bilan qoʻngʻiroq qiladi. Reklama qoʻngʻiroqlari — faqat abonent roziligi bilan va faqat 09:00 dan 18:00 gacha, Prezidentning 2026-yil 15-iyuldagi PQ-265-son qaroriga muvofiq.
Sotmaydi va bahslashmaydi, nostandart savollar boʻyicha maslahat bermaydi, raqamlarni oʻzidan aytmaydi. Odam boshqa qoʻngʻiroq qilmaslikni soʻrasa, raqami roʻyxatdan chiqariladi.
Ariza qoldiring — qoʻngʻiroq qilib, namoyishni kelishamiz.